Hafðu samband
Ef þú hefur einhverjar spurningar um hvað sem er getur þú haft samband við okkur og við reynum að svara þér eins fljótt og við verður komið.
Töfrar Efnafræðinnar
Bókin er grunnur almennrar efnafræði sem skipt eru upp í átta kafla. Efnistök spanna grunnatriði fyrir nemendur sem eru að koma að efnafræði í fyrsta skipti. Farið er í byggingu atómins og lotukerfi, jónir og sameindaefni og nafnakerfi þeirra. Mól og mólstyrks reikningar teknir á dýptina með fjölbreyttum magnbundnum reikningum. Bókin kynnir grunnatriði þriggja efnahvarfa þ.e. sýrur-basahvörf, oxunar-afoxunarhvörf og fellingarhvörf. Farið er eiginleika gasa og gaslögmálin og kjörgaslögmálið.
Í hverjum efnisþætti eru sýnidæmi um hvernig best sé að nálgast þau verkefni og dæmi sem efnafræðin tekur á. Í sýnidæmunum er farið skref fyrir skref í gegnum hvernig þau eru leyst og oftar en ekki má heimfæra þau á verkefni kaflanna.
Verkefni
Að jafnaði eru fjölmörg verkefni úr hverjum kafla, samtals 238 sem deilast nokkuð jafn á kaflana. Verkefnunum er jafnan skipt upp eftir hverjum undirkafla og svo stærri dæmi í lokin. Dæmin eru jafnvel svo mörg að velja þarf úr eftir því hvar áhersla hvers kennara liggur en gefur nemendum líka möguleika á fara betur á dýptina í námsefninu.
Aðgangur að lausnum eru utan bókarinnar og eru hýstar á sér slóð á vefnum sem hægt er að gefa nemendum aðgang að. Að einhverju leiti eru til ítarlegar reiknaðar lausnir á vefnum líka sem jafnan eru ekki ætluð nemendum.
Kennslumyndbönd
Fyrir hvern undirkafla bókarinnar er kennslumyndband. Þar sem farið er yfir efni hans og tekin sýnidæmi þar sem það á við.
